Hörður Magnússon, íþróttafréttamaður á Stöð2 Sport og fyrrum landsliðsmaður í knattspyrnu fer yfir landsleik Sviss og Íslands í Þjóðadeildinni í Fréttablaðinu í dag.
Íslenska landsliðið var kjöldregið í fyrsta sinn í mörg ár og tapaði 6-0 á útivelli, óásætanleg úrslit og frammistaða.
Íslenska liðinu vantaði fjóra lykilmenn í leiknum en Aron Einar Gunnarsson, Alfreð Finnbogason, Jóhann Berg Guðmundsson og Emil Hallfreðsson voru fjarverandi.
Það afsakar þó ekki frammistöðu liðsins og ljóst er að margt og mikið þarf að bæta áður en liðið mætir Belgíu á morgunn, leikið verður á Laugardalsvelli.
„Kannski er erfitt að kveikja neistann hjá leikmönnum aftur. Eftir að hafa komist á EM og í 8-liða úrslit þar og fylgja því eftir með því að vinna mjög erfiðan riðil í undankeppni HM og fara á stærsta sviðið gæti einhver sagt að það væri ekki hægt að gera betur. Strákarnir eru kannski komnir á vegg sem er ekkert óeðlilegt,“ segir Hörður við Fréttablaðið.
„Það er ekki sama hvernig þú tapar leikjum. Uppgjöfin sem var í þessum leik var átakanleg. Ég hef ekki séð svona í langan tíma,“ segir Hörður. „Hvað voru menn að gera í þessum æfingabúðum? Fengu nokkra daga við bestu aðstæður. Og af hverju var engu breytt í hálfleik, þegar staðan var 2-0? Þetta kom mér á óvart og gefur ekki góð fyrirheit.“