Jurgen Klopp, stjóri Liverpool, ræddi aðeins eigin hugmyndafræði í samtali við France Football í gær.
Klopp segist fá þessa spurningu oft en hefur aldrei hugsað almennilega út í hvernig hann á að svara.
Klopp segist ekki vera með neina ákveðna hugmyndafræði en vill bara skemmta sér er hann sér sín lið spila.
,,Ég hef verið þjálfari í 18 ár og ég hef aldrei hugsað út í þetta þó að ég fái þessa spurningu oft,“ sagði Klopp.
,,Ég veit eiginlega ekki hvað spurningin þýðir. Ég elska leikinn, það er svo einfalt.“
,,Ég er áhugasamur 95 prósent af tímanum. Þegar ég sé leiki þá sé ég alltaf eitthvað sem vekur minn áhuga, ef ekki þá væri þetta tímasóun.“