Þeir Sergio Ramos og Jurgen Klopp hafa látið hvorn annan heyra það reglulega eftir úrslitaleik Liverpool og Real Madrid í maí.
Real hafði betur í leiknum með þremur mörkum gegn einu en Mohamed Salah fór meiddur af velli hjá Liverpool í fyrri hálfleik eftir viðskipti við Ramos.
Klopp vill meina að Ramos hafi viljandi meitt Salah og hefur Spánverjinn svarað honum fullum hálsi.
Ramos er þó aðdáandi af því sem Klopp hefur gert og kaus hann sem þjálfara ársins hjá UEFA fyrir síðustu leiktíð.
,,Hann var einn allra besti þjálfari tímabilsins og ég kaus hann. Kannski þaggar það aðeins niður í honum,“ sagði Ramos.