Lionel Messi, leikmaður Barcelona, er orðinn sigursælasti leikmaður í sögu félagsins.
Messi spilaði með Barcelona í 2-1 sigri á Sevilla á sunnudag en liðin áttust við í spænska Ofurbikarnum.
Enginn leikmaður hefur nú unnið jafn marga titla á Nou Camp og Messi eða 33 talsins.
Andres Iniesta vann 32 titla með Barcelona á ferlinum en hann yfirgaf félagið eftir síðustu leiktíð.
Messi mun væntanlega vinna enn fleiri titla fyrir félagið en hann er 31 árs gamall og á nóg eftir.