Eins og við greindum frá í gær hafa margir gagnrýnt Rúv fyrir að spila þemalagið úr sjónvarpsþáttunum Narco eftir að ljóst var að Kólumbía kæmist ekki áfram á HM. Þættirnir fjalla um eiturlyfjabaróninn og hryðjuverkamanninn Pablo Escobar sem drap ótal landa sína en þarna töldu margir Rúv vera að móðga kólumbísku þjóðina.
Eins og áður segir fór lagavalið misjafnlega í þjóna en í morgun steig landsliðsmaðurinn Theodór Elmar Bjarnason fram og tjáði sig um málið í færslu á Twitter. Hann spyr sig hvaða týpur það eru sem krefja Rúv um afsökunarbeiðni. „Sennilega ekki fyrstu manneskjurnar sem ég myndi taka með mér á eyðieyju,“ skrifar Theodór.
Hvaða týpur eru að krefja RÚV um afsökunarbeiðni fyrir að spila lag sem var gert frægt á Netflix þegar verið var að kveðja Kólumbíu af HM?????
Sennilega ekki fyrstu manneskjurnar sem ég myndi taka með mér á eyðieyju.
— Elmar Bjarnason (@ElmarBjarnason) July 5, 2018
Pétur Orri Lóluson vakti fyrstur athygli á málinu innan Facebook-hópsins Fjölmiðlanördar og sagði þetta rakið tillitsleysi við Kólumbíumenn. „Hvað gengur RÚV til með að spila Narcosþemalagið fyrir Kólumbíu eftir leik? Kólumbísk unnusta vinar míns er brjáluð sem dæmi og finnst þetta rakið tillitsleysi við kólumbískan almenning sem hefur sem þjóð heldur betur þurft að þjást út af svona narcos glæpamönnum,“ sagði Pétur Orri.
Classy hjá RÚV að spila upphafsstefið úr Narcos þegar Kólumbíumenn eru kvaddir #HmRuv
— Stuðný (@gudnyrp) July 3, 2018
Hverjum datt í hug að setja Narcos þemalagið við brottför Kólumbíu úr HM?!?!?!?
Veit ekki hvort ég á að hlægja eða gráta…#hmruv #ruv #hm #ruvhm #Narcos #PabloEscobar— Sigurður G Magnússon (@SigurdGMagnus) July 3, 2018
