Fabinho, leikmaður Liverpool, ætlar að reyna að sannfæra fyrrum samherja sinn, Kylian Mbappe, um að ganga í raðir liðsins.
Mbappe er 19 ára gamall leikmaður Paris Saint-Germain en hann og Fabinho voru saman hjá Monaco á sínum tíma.
,,Mbappe hefur nú þegar sagt að hann verði áfram hjá PSG á þessu tímabili en ég mun hægt og rólega sannfæra hann,“ sagði Fabinho.
,,Mbappe sendi mér skilaboð og óskaði mér til hamingju er ég samdi við Liverpool. Því miður hef ég ekki getað óskað honum til hamingju með HM titilinn.“
,,Það sem Frakkland gerði var ótrúlegt. Það sem Mbappe hefur gert á tveimur árum er magnað. Ég þarf að óska honum til hamingju eins fljótt og ég get.“
