Ólafur Jóhannesson, þjálfari Vals, var hundfúll í kvöld eftir 3-1 tap liðsins gegn Rosenborg frá Noregi í Meistaradeildinni.
Valsmenn voru á leið áfram í keppninni er Rosenborg fékk sitt annað ódýra víti í leiknum í uppbótartíma og úr því skoraði Nicklas Bendtner.
Ólafur ræddi við blaðamann fótbolta.net sem staddur er í Noregi eftir leik og var að vonum alls ekki ánægður með dómarann í kvöld sem er frá Búlgaríu.
,,Þetta er hrikalega svekkjandi. Við vorum búnir að spila ágætis leik,“ sagði Ólafur í samtali við fótbolta.net eftir leik.
,,Vítið sem við fáum á okkur er algjört bull, bæði tvö, pottþétt. Ég veit ekki með vítið sem við fáum, sumir segja að hann hafi skallað hann í hendina en mínir menn segja að fyrri tvö vítin hafi verið djók.“
,,Við erum að spila í Meistaradeildinni og það er ekki betri dómari en þetta. Einhver talaði um að þessi dómari hafi ekki dæmt leik í marga mánuði því deildin þar er ekki í gangi.“
,,Stærri liðunum er hjálpað, þau fá meira með sér, það er oft þannig og mér fannst það vera þannig í þessu tilfelli. Að hann hafi dæmt okkur út úr þessari keppni í stöðunni 2-1 þá dæmdi hann okkur úr keppninni á síðustu mínútunni.“