Það er mikið rætt um Heimi Hallgrímsson í dag en hann ákvað að segja starfi sínu lausu sem aðalþjálfari íslenska A landsliðsins.
Heimir hefur undanfarin sjö ár verið starfandi hjá landsliðinu en hann byrjaði sem aðstoðarmaður og vann sig upp.
Það er spurning hvað tekur við næst hjá Heimi en blaðamaðurinn Roger Bennett setti inn athyglisverða Twitter-færslu í dag.
Bennett hrósar Heimi fyrir vel unnin störf með landsliðinu og segir hann vera frábæra manneskju.
Bennett tekur einnig fram að Heimir hafi vilja til þess að flytja til Bandaríkjanna.
Það er spurning hvort Heimir sé opinn fyrir því en knattspyrnan í Bandaríkjunum hefur verið á uppleið síðustu ár.
Good Coach. Great Story. Even better Human Being. 12 years ago, he was coaching his local Under-12 Team. He beat England at the Euros, tied Argentina at the World Cup. What next? I know he would love to move to America https://t.co/g8SA9xuAXl
— roger bennett (@rogbennett) 17 July 2018