Tónlistarmaðurinn Ingólfur Þórarinsson segist vita ástæðuna fyrir því að Ísland sé úr leik á HM í Rússlandi.
Ingó Veðurguð eins og hann er kallaður setti inn færslu í kvöld þar sem hann tjáir sig eftir 2-1 tap gegn Króötum í kvöld.
Ingó segir að ákvörðunin að bekkja Emil Hallfreðsson í leiknum við Nígeríu hafi orðið okkar mönnum að falli.
Emil átti stórleik gegn Argentínu í fyrstu umferð og spilaði þá virkilega vel í kvöld gegn Króötum.
Hann kom þó ekki við sögu í 2-0 tapi gegn Nígeríu og gæti verið að við höfum saknað hans í því tapi.