Rúrik Gíslason er vinsælasti leikmaður íslenska landsliðsins í dag en hann hefur vakið rosalega athygli yfir HM.
Rúrik þykir vera virkilega huggulegur maður og hefur Instagram síða hans sprungið upp síðan hann kom inná gegn Argentínu í fyrsta leik á HM.
Rúrik byrjaði með rúmlega 30 þúsund fylgjendur á Instagram en nálgast nú eina milljón sem er ótrúleg hækkun. Rúrik er þessa stundina með 988 þúsund fylgjendur.
Okkar maður segist þó glíma við þessa nýju frægð auðveldlega og einbeitir sér bara að boltanum.
,,Ég einbeiti mér bara að fótboltanum þessa stundina. Það gleður mig að fólki líkar það sem ég geri en ég get ekki sagt meira,“ sagði Rúrik.
,,Ég eyði mun minni tíma á Instagram núna en áður því ég vil bara einbeita mér að því að spila vel fyrir Ísland.“