Hörður Snævar Jónsson skrifar frá Volgograd:
Gernot Rohr þjálfari Nígeriu heldur að 20 þúsund Íslendingar verði á vellinum gegn Nígeríu á morgun.
Raunin er þó að aðeins verða rúmlega 2 þúsund Íslendingar en þetta heldur Rohr fram.
,,Þeir verða með 20 þúsund stuðningsmenn frá Íslandi,“ sagði Rohr á fréttamannafundi í Volgorad í dag.
,,Þetta verður eins og útileikur fyrir okkur, það voru 25 þúsund Króatar í stúkunni í fyrsta leik en bara 250 frá Nígeríu. Við erum vanir“
Hann vonar að hitastigið hjálpi Nígeríu í Volgograd en gríðarlegur hiti er í borginni. ,,Kannski er hitastigið betra fyrir Nígeríu, okkar leikmenn eru margir í Evrópu svo kannski er þetta ekki svo mikill gróði. Ef þetta er okkur til hags þá reynum við að nýta það.“