Jóhann Berg Guðmundsson var ekki í leikmannahópi Burnley um helgina er liðið vann WBA. Jóhann meiddist á kálfa á æfingu Burnley á föstudag.
Kantmaðurinn meiddist lítilega með íslenska landsliðinu á þriðjudag gegn Perú en þau meiðsli voru á hné.
Meiðslin á kálfa tóku sig upp á æfingu en meiðslin ættu þó ekki að halda Jóhanni lengi frá vellinum.
,,Ég fór í myndatöku í gær og þar kemur í ljós að það sé smá rifa í kálfanum,“ sagði Jóhann í samtali við 433.is.
,,Það er svona búist við því að ég eigi að geta spilað aftur gegn Leicester um miðjan mánuðinn.“
Jóhann hefur átt fast sæti í byrjunarliði Burnley á þessu tímabili og verið einn besti leikmaður liðsins.