Liverpool gekk frá Manchester City í fyrri leik liðanna í átta liða úrslitum Meistaradeildarinnar í kvöld.
Liverpool vann 3-0 sigur á Anfield og þarf stórslys svo liðið fari ekki áfram í undanúrslit.
Fyrir leik voru stuðningsmenn Liverpool með læti en þeir skemmdu rútu City með því að skjóta blysum í hana og kasta í hana öllu lauslegu.
Rútan er óökuhæf og hefur Liverpool sent frá sér yfirlýsingu og beðist afsökunar á atvikinu.
,,Árásin á rútuna hafði ekki nein áhrif,“ sagði Vincent Kompany fyrirliði City eftir leik.
,,Í raun ekki nein, við höfum upplifað svona áður.“
Vincent Kompany: “The bus incident had no effect on us. Not really. We have experienced that before.” #mcfc pic.twitter.com/1aWXBXUdYo
— Kristof Terreur 📰 (@HLNinEngeland) April 4, 2018