fbpx
Þriðjudagur 19.mars 2019
433Sport

Markvörðurinn kom Þorvaldi til bjargar í fyrsta leik: ,,Óhætt að segja að ég hafi verið lítið nafn“

Victor Pálsson
Fimmtudaginn 6. desember 2018 21:00

Ekki missa af Helstu tíðindum dagsins í pósthólfið þitt

Lesa nánar

Hlaðvarpsþátturinn, 90 mínútur hefur hafið göngu sína en um er að ræða þátt sem Hörður Snævar Jónsson, ritstjóri 433.is stýrir.

Rætt verður um fótbolta við áhugaverða gesti í vetur, farið verður um víðan völl.

Næsti gestur þáttarins er Þorvaldur Örlygsson þjálfari U19 ára landsliðs karla.

Þorvaldur hefur átt áhugaverðan feril, fyrst sem leikmaður og þjálfari.

Þorvaldur samdi við lið Nottingham Forest árið 1989 eftir dvöl há KA. Hann fékk lítinn tíma til að koma sér fyrir á Englandi.

Aðeins viku eftir að hafa fengið atvinnuleyfi átti Þorvaldur að spila sinn fyrsta leik gegn Southampton.

Hann var mjög lítið þekktur á þeim tíma og var til að mynda í basli með að komast inn á völlinn og var beðinn um að kaupa miða.

,,Ég kem út og er nýbúinn að fá atvinnuleyfi og hef æft í viku. Við æfðum út vikuna, þokkalegar æfingar og ég finn ekkert fyrir því,“ sagði Þorvaldur.

,,Ég er í hóp strax á föstudegi eftir að hafa komið út. Ég var rétt búinn að læra nöfnin. Við vorum að spila við Southampton.“

,,Hópurinn var tilkynntur á föstudegi, það var sett upp á töflu hópur af 18 leikmönnum og það eru sömu reglur, það voru 11 í liði en bara tveir varamenn leyfðir.“

,,Á laugardegi eiga allir að vera mættir korter í tvö og liðið er sett upp á vegg klukkan tvö og leikurinn er klukkan þrjú.“

,,Ég bjó á hóteli rétt hjá vellinum og þurfti ekki að fá far með neinum á völlinn og ákvað að skokka og koma mér fyrir inn í klefa.“

,,Ég kem að vellinum og ætla að labba inn á völlinn og þá er mér neitað inngangur, það eru öryggisverðir og annað og þeir biðja mig um að kaupa miða. Ég var lítið nafn, það er óhætt að segja.“

,,Það bjargaði mér að markvörðurinn Steve Sutton var að labba inn á sama tíma og náði að taka mig með inn í klefa. Þar var liðið komið upp klukkan tvö og þar var ég númer átta.“

,,Ég spurði þjálfarann: ‘Ókei, númer átta, hvar á ég að spila?’ Hann sagði að ég væri númer átta. Ég spyr aftur og hann segir aftur, ‘þú ert númer átta’.

,,Ég sest niður og geri mig ready fyrir að fara út á völl og Lee Chapman er senter númer tíu og ég spyr hann hvar ég eigi að spila og hann segir mér að áttan sé á miðjunni.“

,,Kerfið var þannig að númer þrjú var vinstri bakvörður, númer tvö var hægri bakvörður, númer fjögur er hafsent og svo koll af kolli.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

433Sport
Fyrir 20 klukkutímum

Á fullt af myndum af sér með Messi – Þetta sér hann aldrei

Á fullt af myndum af sér með Messi – Þetta sér hann aldrei
433Sport
Fyrir 21 klukkutímum

Þetta hafði Mourinho að segja um einn þann besta: ,,Hann er alltaf að svindla og dettur auðveldlega“

Þetta hafði Mourinho að segja um einn þann besta: ,,Hann er alltaf að svindla og dettur auðveldlega“
433Sport
Fyrir 2 dögum

Hefur spilað með Liverpool og City: Klæddist treyju United á Wembley

Hefur spilað með Liverpool og City: Klæddist treyju United á Wembley
433Sport
Fyrir 2 dögum

Það sem Hamren hugsaði eftir niðurlæginguna í Sviss: ,,What the fuck“

Það sem Hamren hugsaði eftir niðurlæginguna í Sviss: ,,What the fuck“