Leigubílasögurnar eru daglegur liður hér á 433.is. Í þessum lið er farið yfir helsta slúðrið og sögusagnirnar úr fótboltanum, aðallega úr bresku pressunni.
Félagaskiptaglugginn hefur lokað en það er samt alltaf fullt af sögum enda hætta erlend blöð aldrei að grafa upp sögurnar sem fljúga.
Hér má sjá pakka dagsins.
——–
Mauricio Pochettino er eini maðurinn sem Manchester United vill fá í starfið og er félagið tilbúið að borga 42 milljónir punda fyrir hann. (Telegraph)
Sir Alex Ferguson styður það að Pochettino fái starfið. (Sun)
Daniel Levy stjórnarformaður Tottenham ætlar að biðja um meira en 34 milljónir punda fyrir Pochettino. (Times)
Manchester United ætlar að gefa Ole Gunnar Solskjær um 50 milljónir punda í leikmannakaup í janúar en Douglas Costa og Toby Alderweireld eru efstir á lista. (Mirror)
Samband Jose Mourinho og Paul Pogba var það slæmt að hann var byrjaður að segja leikmönnum að halda sig frá franska miðjumanninum. (ESPN)
Zinedine Zidane skoðar tilboð um að taka við Manchester United. (AS)
Manchester United reynir að framlengja við sínar stærstu stjörnur, félagið telur að þeir hafi ekki viljað skrifa undir með Mourinho í starfi. (Mirror)
Luke Shaw getur spilað fyrsta leik Solskjær en hann og Mourinho voru aftur komnir í stríð. (Mail)
Pep Guardiola vill fá Houssem Aouar miðjumann Lyon til að fylla skarð Fernandinho. (Sun)
Bayern er að kaupa Lucas Hernandez varnarmann Atletico á 77 milljónir punda. (Marca)