Slæmt gengi hjá íslenska karlalandsliðinu í fótbolta hefur ekki nein áhrif á áhugann sem liðið fær.
Strákarnir unnu ekki leik á árinu en fram undan er undankeppni EM á næsta ári.
KSÍ setti í dag þúsund ársmiða í sölu og seldust þeir strax upp.
,,Þeir 1000 ársmiðar sem fóru í sölu í hádeginu eru uppseldir. Í athugun er að bæta við fleiri ársmiðum og kemur tilkynning vegna þess á morgun,“ segir á vef KSÍ.
Um er að ræða fimm heimaleiki í undankeppni EM en þeir verða gegn Albaníu, Andorra, Frakklandi, Tyrklandi og Moldóvu.