Samuel Eto’o, fyrrum leikmaður Chelsea, segir að það sé að hluta til sér að þakka hversu vel Mohamed Salah er að standa sig í dag.
Salah skoraði 44 mörk fyrir Liverpool á síðustu leiktíð en hann var áður hjá Chelsea þar sem lítið gekk upp.
Salah náði ekki að sýna sínar réttu hliðar hjá Chelsea og segir Eto’o að hann hafi rætt við samherja sinn á sínum tíma.
,,Ég vona að Salah muni eftir því þegar við vorum saman í búningsklefanum á Stamford Bridge eftir að hann hafði átt slakan leik,“ sagði Eto’o.
,,Ég bað hann um að sýna þolinmæði og sagði: ‘Þú ert góður leikmaður og verður frábær leikmaður.’
,,Salah er nú orðinn þessi risaleikmaður mun skrifa sína eigin sögu með vilja og styrk.“
,,Þetta veltur allt á Salah sjálfum. Hann er með ótrúleg gæði og er að standa sig í hæsta gæðaflokki.“