Liverpool tapaði sínum öðrum leik í Meistaradeildinni á tímabilinu í kvöld er liðið heimsótti Red Star frá Serbíu.
Þessi lið mættust í síðustu umferk riðlakeppninnar og þá hafði Liverpool betur örugglega, 4-0.
Red Star náði þó fram hefndum í kvöld og spilaði glimrandi leik. Liðið vann leik kvöldsins með tveimur mörkum gegn engu.
Það er ljóst að Red Star er sterkt á eigin heimavelli en liðið gerði jafntefli þar við Napoli í fyrstu umferð.
Í hinum leiknum sem var að ljúka fengu Thierry Henry og félagar í Monaco lið Club Brugge í heimsókn.
Monaco hefur gengið skelfilega á leiktíðinni og það varð engin breyting á því í kvöld. Belgarnir höfðu betur að lokum 4-0.
Red Star 2-0 Liverpool
1-0 Milan Pavkov(22′)
2-0 Milan Pavkov(29′)
Monaco 0-4 Club Brugge
0-1 Hans Vanaken(12′)
0-2 Hans Vanaken(víti, 17′)
0-3 Wesley(24′)
0-4 Ruud Vormer(85′)