Það fór fram stórleikur í Bose-mótinu hér heima í gær er Stjarnan og KR áttust við í Kórnum.
Ballið byrjaði snemma leiks en Björgvin Stefánsson kom KR yfir eftir aðeins eina mínútu.
Þorsteinn Már Ragnarsson jafnaði svo fyrir Stjörnuna áður en Pálmi Rafn Pálmason bætti við tveimur fyrir þá svarthvítu og kom þeim í 3-1. Hilmar Árni Halldórsson lagaði stöðuna í 3-2 fyrir þá bláu áður en Óskar Örn Hauksson gulltryggði svo KR 4-2 sigur.
Theodór Elmar Bjarnason lék með KR í leiknum en hann er án félags, þessi íslenski landsliðsmaður er án félags.
Ekki er öruggt að Elmar komi heim en hann er með tilboð frá mörgum liðum. Sagt er að Valur hafi áhuga á að fá Elmar ætli hann að koma heim, hann er hins vegar harður KR-ingur. Elmar hefur talað um að hann fari Í KR komi hann heimm.
Þessu reyna tveir íslenskir landsliðsmenn að breyta, Ari Freyr Skúlason og Birkir Már Sævarsson setja pressu á Elmar á Twitter.
,,Rauði liturinn fer þér betur vinur,“ skrifaði Ari og Elmar svaraði. ,,Það er samt ekkert sem toppar fallegu rendurnar,“ sagði Elmar.
,,Hættu þessu bulli! Rauður=Titlar,“ skrifaði Ari og bað Birki Má sem leikur með Val að taka undir. ,,Hárrétt athugað hjá litla kalli.“
Elmar sagði að það gæti verið að þetta tímabil Vals sem hefur unnið deildina tvö ár í röð væri búið.
Spurningin er hvort þeir séu ekki búnir að toppa??
— Elmar Bjarnason (@ElmarBjarnason) November 28, 2018