Aron Einar Gunnarsson, fyrirliði íslenska landsliðsins er að gefa út ævisögu sína. Hún er mættí allar helstu verslanir.

Aron Einar var mættur að ræða bókina sína í Brenslunni á FM957 í dag og þar fékk hann margar áhugaverðar spurningar.

,,Ég var bara farinn að missa hárið, ég fékk ekki augnablikið þar sem einhver félagi lét mig vita. Flóðlýsing og rigning, þá var ég í veseni, safna skeggi í leiðinni, til að vera harður,“ sagði Aron Einar í þættinum.

Aron Eignaðist sinn annan son á dögunum, hann fékk nafnið Tristan Þór. Nafnið Þór kemur vegna þess að Aron Einar elskar Þór Akureyri, þar ólst hann upp.

,,Það er þannig, Þór Akureyri, þetta misheppnaðist aðeins. Við ætluðum að koma heim fyrir og hafa nafnapartý, við vorum ekki komin heim áður en bókin kom út. Við hringdum í fjölskylduna og létum því vita.“

Aron fór einnig yfir það af hverju hann hatar KA, erkifjendur Þórs.

,,Þegar ég ólst upp við KA og Þór, það var hatur. Rígur á milli, þú varst Þórs eða KA maður. Frændi og langafi stofnuðu Þór, ég er rauður í gegn.“

Hér að neðan eru nokkrar spurningar sem Aron svaraði.

Mest óþolandi gælunafn?
Gunnar, ég er kallaður Gunnar úti, vegna Gunnarsson. Ég heiti ekki Gunnar, pabbi heitir Gunnar

Uppáhalds veitingastsaður?
Ég fór á Grillmarkaðinn í gær,

Hvernig bíl áttu?
Ég á Audi

Uppáhalds sjónvarpsþættir?
Ég myndi fara í Breaking Bad, geggjaðir þættir.

Uppáhalds tónlistamaður?
Ég verð að gefa mínum manni, EmmsjéGauti

Hvað færðu þér í bragðrefinn?
Hitt, kókosbolla og jarðaber

Hvaða liði myndir þú aldrei spila með?
KA, aldrei. Aldrei

Erfiðasti andstæðingur?
Það kemur fram í bókinni, ég ætla að segja tvo. Ballack og Van Bommel.

Mest óþolandi andstæðingur?
Það var gæi í Shrewsbury, ég veit ekk hvað hann heitir. Van Bommel var líka þreyttur.

Sætasti sigurinn?
Það var ekki sigur, jafnteflið á mótið Kazhakstan. Þar byrjuðum við

Fallegasti knattpsyrnumaðurinn á Íslandi?
Rúrik Gíslason, ég og hann höfum farið í gegnum ýmislegt. Hann er góður vinur og félagi, það er ekki hægt að segja slæmt um hann. Við höfum verið saman frá U21 árs landsliðinu.

Uppáhalds staður á Íslandi?
Akureyri

Hvað ertu með í forgjöf?
Ég er ekki með forgjöf, ég hef verið að leika mér. Núna get ég ekki spilað út af ökklanum

Hver er besti vinur þinn í Cardiff?
Morrisson, fyrirliðinn okkar

Hvað áttu marga bíla?
Ég á einn og konan einn

Ef þú værir dýr, hvaða dýr værir þú?
Ég væri naut