Jón Rúnar Halldórsson, formaður knattspyrnudeildar FH hefur lengi vel átt erfitt með að skilja vinnubrögð Knattspyrnusambands Íslands í mörgum málum. ÍTF, sem eru hagmunarsamtök liða í tveimur efstu deildum á Íslandi hafa reynt að breyta hlutum.
Jón Rúnar segir að það mæti yfirleitt andstöðu þegar félögin vilji fá mál á sína könnu sem KSÍ er með. Þannig vildi ÍTF fá að sjá um markaðsmál í Pepsi deildunum í sumar, vonir stóðu til um að svo yrði en KSÍ tók fyrir það.
KSÍ sendi frá sér yfrlýsingu á dögunum um að starfsmenn sambandsins væru að drukkna í vinnu, þá telur Jón eðlilegt að ÍTF geti hjálpað til.
,,Það er endalaust talað um það að allir séu að drukkna í vinnu, ég ætla ekki að gera lítið úr því. Það er oft þannig og við þekkjum alls staðar af. Það eru sömu hendurnar sem vinna verkin, eftir því sem verkunum fjölgjar, þá vinna þessar sömu hendur hraðar,“ segir Jón Rúnar í 90 mínútum, hlaðvarpsþætti okkar. Hann má heyra hér að neðan og í öllum helstu hlaðvarpsveitum.
Jón gagnrýnir vinnubrögð sambandsins og kallar eftir því að meira sé unnið í samvinnu við félögin.
,,Það er óskijanlegt af hverju menn þarna inni, ég held að það sé eitthvað í vatninu þarna. Þegar menn byrja að drekka vatnið þarna þá umhverfast þeir, það liggur í hlutarins eðli, með því að færa verkefni og ábyrgð til hagsmunaraðila. Þá léttir á, þú færð fleiri að. Það byggist upp hraðari þekking af ólíkum toga, menn geta átt viturlegri samtöl. Heldur en þessi samtöl, menn eru að biðja um að fá að gera eitthvað en fá endalaust, nei, nei, nei.“
Jón Rúnar skilur heldur ekki af hverju fleiri ræða ekki málin ársþingum, oft er mikil umræða fyrir þingin en það er eins og fólk þori ekki að stíga upp í pontu.
,,Þetta kristalaðist á þinginu í fyrra, þegar forsvarrsmenn margra félaga í nafni ÍTF, sem eru 24 félög í efstu tveimur deildum. Lögðu fram tillögu um breytingu á lögum, okkar tillögur í átt að breytingum voru fyrst og fremst vinnulagið en ekki lagalegar í þeim skilningi. Heldur að færa til völdin, færa heim í hérað. Þetta er það sem er að gerast alls staðar, menn eru mjög oft niðri í knattspyrnusambandi að miða við sig það sem er gert annars staðar, þá ættu menn að henda sér alla leið í þessu. Félögin voru með í þessu, svo kemur upp aðili og mælir þessu öllu til foráttu. Það er eins með það og annað, það er eins og þessi þing séu fyrir heyrnalausa og blinda. Það virðist enginn taka eftir því sem er sagt, það er lítið talað.“
Jón Rúnar situr í nefnd á vegum KSÍ þar sem unnið er í að breyta málum en þar gerist lítið.
,,Þá lendir þetta aftur hjá stjórn, það er skipuð nefnd, sem ég hef verið í. Þetta er fimm manna nefnd, maður er að reyna að koma þessu að. Maður horfir framan í fólk sem segir að þetta sé ekki hægt, það er ekki hægt að gera þetta svona. Að þið hafið beint um einhver mál að segja, það gengur ekki. KSÍ mun hafa síðasta orðið í öllu, ég þarf ekkert að fela það. Ég skil ekki svona, ég mun ekkert hætta fyrr en við komum þessu í það form, eins og það er annars staðar.“
Þátturinn er í heild hér að neðan.