Andy Robertson er orðinn fastamaður í liði Liverpool en hann kom til félagsins frá Hull á síðustu leiktíð.
Robertson yfirgaf Hull eftir fall úr efstu deild en tímabilið áður var hann nálægt því að fara annað.
Stoke City hafði áhuga á að fá Robertson í sínar raðir en hann tók svo ákvörðun um að hætta við þau skipti.
,,Stoke hafði nokkuð mikinn áhuga á mér. Mark Hughes var aðdáandi og við ræddum aðeins við þá,“ sagði Robertson.
,,Ég hugsaði með mér að það væri mjög góður möguleiki, þeir enduðu í efri hlutanum á því tímabili og ég reyndi að koma mér þangað.“
,,Ég hugsaði að þeir hefðu mikinn áhuga og undir Hughes þá voru þeir að spila góðan fótbolta.“
,,Þeir voru með Erik Pieters og ég var ekki viss um hvort ég yrði varamaður fyrir hann því hann hafði átt frábært tímabil.“