Arsene Wenger, fyrrum stjóri Arsenal á Englandi, hefur rætt við franska félagið Paris Saint-Germain um miðjumanninn Aaron Ramsey.
Frá þessu er greint í dag en Wenger þekkir Ramsey vel og var maðurinn sem fékk hann til félagsins árið 2008.
Wenger yfirgaf Arsenal í sumar og er í dag án félags. Hann mun snúa aftur til starfa í byrjun næsta árs.
Ramsey verður fáanlegur á frjálsri sölu næsta sumar og hvetur Wenger franska stórliðið til að taka sénsinn.
Bayern Munchen er talið vera í bílstjórasætinu þegar kemur að Ramsey en hann fær ekki nýjan samning.
Wenger vill þó sjá sinn mann fara til Frakklands í staðinn og nú er að sjá hvort PSG hlusti á hans ráð.
