Það hefur vakið talsverða furðu hjá mörgum að sjá Kolbein Sigþórsson í öllum landsliðshópum Erik Hamren.

Kolbeinn hefur ekki leikið með félagsliði í meira en tvö ár og er algjörlega úti í kuldanum hjá Nantes.

Kolbeinn var á sínum tíma einn allra besti leikmaður landsliðsins en erfið meiðsli hafa sett strik í reikning hans síðustu ár. Kolbeinn kom við sögu í tapi Íslands gegn Belgíu í gær.

,,Það er erfið spurning, ég held að þetta sé meira tilfinningin gagnvart Kolbeini, hvernig hann hefur spilað fyrir landsliðið og hversu mörg mörk hann hefur skorað. Hvað hann þarf til að komast úr þessum djúpa dal sem hann hefur verið í,“ sagði Eiður Smári Guðjohnsen um stöðu Kolbeins á Stöð2 Sport eftir leik í gær.

Kolbeinn vonast til að yfirgefa Nantes í janúar og Erik Hamren og KSÍ vonast til að þessi séns hjálpi til við að finna gott félag. Hann geti þá nýst landsliðinu vel í undankeppni EM sem hefst í mars.

,,Það er meiðslasaga og staða hans hjá félagsliði, að hann sé sýnilegur á vellinum fær kannski hann til að hugsa. Ég er á leiðinni upp og opnar á tækifæri að leita annað í janúar, ég held að það sé hugsunin hjá þjálfarateyminu. Að það þurfi að fá Kolbein í gang.“

,,Það er verið að frysta hann, Nantes eru ekki að sýna hann, hann æfir með varaliðinu. Hann sést ekki á vellinum, hvernig eiga önnur lið að gefa Kolbeini tækifæri á vellinum ef þau sjá hann ekki? Nú kannski opnast gluggi þar sem lið sjá hann á vellinum, þau fara að horfa, það er í lagi með hann. Horfa á að hann er með 22 mörk í 45 landsleikjum, þannig horfi ég á það.“

,,Kolbeinn er einsdæmi hjá okkur, hann hefur unnið sér inn fyrir því hvernig hann hefur spilað í gegnum tíðina. Þetta getur þú ekki varið lengur, ég held að það sé ljóst. Ég held að Hamren hafi sagt, að Kolbeinn verði að spila fótbolta.“

Rætt hefur verið um að Viðar Örn Kjartansson og aðrir framherjar hafi dottið aftur fyrir Kolbein sem aldrei spilar með félagsliði. Fundið það ósanngjart.

,,Viðar tók aldrei sitt tækifæri sitt með landsliðinu, Viðar hefur sýnt það með félagsliðum að hann skori alltaf. Hversu vel hentar hann landsliðnu, þar sem við erum mikið baka til. Oft ekki inni í teig andstæðingsins, þar sem hann er bestur.“

,,Finndu betri framherji sem Ísland hefur átt en Kolbein í toppformi? Þeir hafa hugsað, ef við getum gert eitthvað til að hjálpa honum og koma hann á framfæri, sýna að hann sé heill heilsu. Þá hugsar maður, þetta er áhætta sem ég er til í að taka. Ég sem landsliðsþjálfari hefði tekið þessa ákvörðun.“