Það vakti smá athygli árið 2014 er Liverpool ákvað að kaupa framherjann Mario Balotelli frá AC Milan.
Balotelli var fenginn til félagsins af Brendan Rodgers en hann náði aldrei að sanna sig almennilega á Anfield.
Steven Gerrard var fyrirliði Liverpool á þessum tíma og komu þessi skipti honum á óvart.
,,Á síðasta tímabilinu mínu þá kom Brendan Rodgers að mér á æfingasvæðinu. Við ræddum saman þar,“ sagði Gerrard.
,,Hann sagði mér að hann hafi misst af nokkrum leikmönnum og þyrfti nú að taka ákveðna áhættu.“
,,Brendan hikaði áður en hann sagði mér að áhættan væri Mario Balotelli. Það seina sem ég sagði var, ‘Uh-oh.’
,,Ég hafði aldrei hitt Balotelli en heyrði af sögunum um flugelda innandyra og að Jose Mourinho hafi lýst honum sem leikmanni sem væri ekki hægt að hafa stjórn á.“
,,Ég gat séð að þegar hann var í stuði þá var hann góður fótboltamaður en einnig var mikið sem fór í vaskinn vegna þessarar hegðunar. Það var mín skoðun.“