Franck Ribery, leikmaður Bayern Munchen, kom sér í vesen um helgina eftir leik við Borussia Dortmund.
Bayern hefur staðfest það að Ribery hafi rifist heiftarlega við blaðamanninn Patrick Guillou eftir 3-2 tap á laugardag.
Ribery var mjög óánægður með hvernig Guillou fjallaði um tap liðsins og sló til blaðamannsins þrisvar.
Ribery er kennt um tvö af mörkum Dortmund í tapinu og var hann gríðarlega pirraður í leikslok og missti stjórn á sér.
Bayern staðfestir að félagið hafi nú þegar rætt við Guillou sem starfar fyrir beIN Sports. Hann og Ribery hafa þekkst í mörg ár.
Félagið staðfestir einnig að Ribery og Guillou muni ræða saman undir fjögur augu eftir atvikið og reyna að ná sáttum.
Það er þó líklegt að Ribery verði einnig refsað af þýska knattspyrnusambandinu eftir hegðun sína.
