Jóhann Berg Guðmundsson var í byrjunarliði Burnley í dag sem mætti Leicester City í ensku úrvalsdeildinni.
Jói Berg er eins og allir vita fastamaður í liði Burnley en entist í aðeins 65 mínútur í markalausu jafntefli í dag.
Sean Dyche, stjóri Burnley, staðfesti það eftir leik að Jói væri að glíma við meiðsli í kálfa.
Dyche gefur ekki upp hversu alvarleg meiðslin eru en hann þurfti að taka vængmanninn af velli í dag.
Þetta gætu verið slæmar fréttir fyrir íslenska landsliðið sem á leiki í mánuðinum gegn Belgíu og Katar.
Jói Berg var valinn í landsliðshópinn en hvort meiðslin hafi áhrif verður að koma í ljós á næstunni.