Breiðablik í Pepsi-deild karla fékk tilboð frá ítalska félaginu Spezia á dögunum.
Mbl.is greinir frá því í dag að Blikar hafi hafnað tilboð frá Ítölunum í hinn efnilega Willum Þór Willumsson
Þetta staðfesti Eysteinn Pétur Lárusson, framkvæmdarstjóri Blika, í samtali við Mbl í morgun.
Willum er aðeins 20 ára gamall en hann var frábær fyrir Blika í Pepsi-deildinni í sumar og skoraði sex mörk í 19 leikjum.
Spezia hefur áður nælt í leikmann Breiðabliks en félagið fékk Svein Aron Guðjohnsen í sínar raðir í sumar.
Sveinn Aron hefur ekki fengið of mörg tækifæri fyrir Spezia sem leikur í næst efstu deild á Ítalíu.
