Það eru tveir Íslendingar að spila í Meistaradeildinni þessa stundina en riðlakeppnin er í fullum gangi.
Íslendingarnir tveir eru þeir Hörður Björgvin Magnússon og Arnór Sigurðsson sem leika með CSKA Moskvu.
CSKA er í erfiðu verkefni þessa stundina en liðið spilar við ítalska stórliðið Roma á útivelli.
Arnór fékk tækifæri í byrjunarliðinu í kvöld eftir að hafa komið inná gegn Real Madrid í síðustu umferð í 1-0 sigri.
Arnór er talinn afar efnilegur leikmaður og kostaði CSKA um tvær milljónir evra. Hann hefur þó ekki spilað A landsleik.
Það þykir ansi merkileg staðreynd að þessi skemmtilegi leikmaður byrji í deild þeirra bestu áður en hann fær tækifæri með landsliðinu.
Hörður Björgvin er orðinn fastamaður í íslenska landsliðinu en hann gekk einnig í raðir CSKA í sumar frá Bristol City.