Nemanja Vidic, fyrrum fyrirliði Manchester United var eitt sinn besti miðvörður ensku úrvalsdeildarinnar.
Vidic átti mörg góð ár með United og þoldu framherjar ekki að mæta þessum harðjaxli frá Serbíu.
Vidic var spurður að því á dögunum hver hefði verið hans erfiðasti andsæðingur og svarið kemur kannski á óvart.
,,Fólk talar alltaf um vandræði mín með Torres en það var bara einn leikur, ég gerði mistök þar,“ sagði Vidic.
,,Drogba var sá erfiðasti, Torres bjó sér alltaf til færi en Drogba lét þig ekki í friði allan leikinn.“
,,Drogba var sá erfiðasti sem ég mætti en Suarez og Aguero voru með mestu hæfileikana.“