Lögreglan í Las Vegas hefur ákveðið að opna rannsókn á meintri nauðgun knattspyrnustjörnunnar Cristiano Ronaldo á ný.

Fyrrum fyrirsætan Kathryn Mayorga var í ítarlegu viðtali við Spiegel á dögunum þar sem hún sakaði Ronaldo um að hafa nauðgað sér á hótelherbergi árið 2009.

Ronaldo hefur sjálfur svarað fyrir sig og harðneitar fyrir að hafa brotið á Mayorga.

Meira:
Þetta er konan sem sakar Cristiano Ronaldo um hrottalega nauðgun – „Ég reyndi að fara í burtu og hélt fyrir leggöngin“

Bróðir hans, Hugo Aveiro segir að bróðir sinn sé goðsögn á Madeira, þar sem hann ólst upp og að sögurnar um nauðgun séu lygar.

,,Bróðir minn er hetja á Madeira, hann hefur breytt miklu og gert gott fyrir eyjuna,“ sagði Hugo.

,,Hálf milljón kemur á hvejru ári til að skoða safn hans hérna, bróðir minn eyðir yfirleitt áramótunum hérna en þá á mamma okkar afmæli.“

Hugo segir að fjölmiðlar í Portúgal séu ekki að fjalla um mál Ronaldo nema til að styðja hann.

,,Fólk hér kemur honum til varnar, þau þekkja hann. Fjölmiðlar hér segja bara góða hluti og standa með honum.“

Eru sögurnar um nauðgun lygi? ,,Já þetta er mikið bull.“