Jack Wilshere, leikmaður West Ham, hefði aldrei yfirgefið félagið í sumar hefði Arsene Wenger verið um kyrrt.
Wilshere sagði bless við Arsenal eftir komu Unai Emery en hann hafði ekki hug á að nota miðjumanninn.
WIlshere var dáður af Wenger og vildi Frakkinn mikið halda leikmanninum hjá félaginu.
,,Ef Arsene hefði verið þarna áfram þá hefði ég verið um kyrrt eftir það sem hann gerði fyrir mig og traustið sem hann sýndi mér,“ sagði Wilshere.
,,Hann gaf mér fyrirliðabandið og sýndi mér svo mikla virðingu. Ég var búinn að samþykkja að vera áfram en svo fór hann og það breytti hlutunum.“
,,Arsene sagði mér að vera áfram og berjast um sæti í liðinu. Ég þekki Arsene og vissi að hann myndi treysta mér svo ég vissi að ég gæti gert það.“