Lucas Moura, leikmaður Tottenham, hefur opnað sig um erfiða æsku en hann er uppalinn í Sao Paulo í Brasilíu.

Lucas er 26 ára gamall í dag en hann kom til Tottenham í janúarglugganum frá Paris Saint-Germain.

Þar lék Lucas í fimm ár en hann samdi við PSG eftir dvöl hjá Sao Paulo. Lucas skoraði 34 mörk í 153 deildarleikjum í Frakklandi.

Hann segir að draumurinn hafi alltaf verið að gerast fótboltamaður og fór aðra leið og vinir hans í Brasilíu.

,,Ég átti vini sem ákváðu að völdu það að gerast glæpamenn. Sumir eru í fangelsi og aðrir eru dánir. Þeir kusu rangt,“ sagði Lucas.

,,Ég spilaði mikið af fótbolta á götunni. Það var alltaf minn draumur að gerast fótboltamaður.“

,,Það er ástæðan fyrir því að ég fór ekki sömu leið. Ég hef alltaf haft trú á því að ég gæti upplifað drauminn, að gefa fjölskyldu minni annað líf.“