Toni Kroos, leikmaður þýska landsliðsins, hefur sjaldan upplifað jafn skemmtilegt tap og í gær gegn Frakklandi.
Kroos og félagar hafa verið í vandræðum á árinu og má nefna hrikalega frammistöðu á HM í Rússlandi.
Kroos skoraði eina mark Þýskalands í gær í 2-1 tapi í Frakklandi en liðin áttust við í Þjóðadeildinni.
Fyrr í mánuðinum tapaði Þýskaland 3-0 fyrir Hollandi en tapið í gær var mun ‘skemmtilegra’ að mati Kroos.
,,Á vellinum þá var þetta eitt skemmtilegasta tap ferilsins því við færðum boltann mjög vel á milli manna,“ sagði Kroos.
,,Ég er þó auðvitað svekktur. Sérstaklega þegar þú stjórnar leiknum og það er mikið sem gengur upp. Eins og staðan er þá fáum við engar gjafir.“