Íslenska karlalandsliðið er fallið úr A deild í Þjóðadeildinni eftir tap gegn Sviss hér heima í gær.
Ísland náði sér ekki á strik á Laugardalsvelli í kvöld en Sviss hafði að lokum betur með tveimur mörkum gegn einu. Ísland lenti undir á 52. mínútu er Haris Seferovic skoraði með fínum skalla sem fór í slá og inn. Á 67. mínútu bætti Sviss við sínu öðru marki eftir vandræði í vörn Íslands og staðan orðin 2-0 og útlitið svart.
Alfreð Finnbogason minnkaði þó muninn fyrir Ísland á 81. mínútu leiksins með frábæru skoti fyrir utan teig.
,,Mér fannst fyrri hálfleikurinn ganga fínt fyrir sig fyrir utan fyrstu tíu mínúturnar,“ sagði Guðmundur í Bítinu á Bylgjunni í dag.
,,Mér fannst við byrja síðari hálfleikinn eins og þann fyrri, við vorum á eftir. Ég er sammála því að mér fannst að við hefðum átt að breyta fyrr, mér fannst vera þreytu merki. Við biðum þangað til að við fengum á okkur mark, það var í loftinu lengi. Við vorum ekkert líklegir þangað til við skoru í raun.“
Guðmundur lýsti leiknum í gær á Stöð2 Sport í gær en sonur hans, Albert kom inn sem varamaður og var öflugur.
,,Nei, það truflar mig ekki neitt. Ég veit það ekki, það myndi ekki trufla mig ef hann myndi skora. Ég veit ekki hvernig ég myndi bregðast við, ég er einn af þeim foreldrum er örugglega meira að benda honum á það sem betur má fara en hrósið. Ef hann á hrósið skilið þá finnst mér það ekki erfitt. Ég hef vitað í mörg ár að hann myndi spila með landsliðinu ef heilsan myndi leyfa. Hann á fullt erindi í þetta, það er þjálfarans að ákveða hversu mikið það er.“
Guðmundur tók undir orð þeirra sem spurðu um að Gylfi Þór Sigurðsson, Jóhann Berg Guðmundsson og Alfreð Finnbogason væru í öðrum getuflokki en aðrir leikmenn liðsins
,,Þeir eru allt á öðru leveli, þeir eru líka í tveimur af bestu deildum heims. Þar er ekkert sætt sig við það að menn séu ekki á fullu allan leikinn, það er allt sem telur. Þú þarft að vera fljótur að hugsa, fyrsta snertingin þarf að vera góð. Það sést allt þegar þú horfir á þessa leikmenn.“
Íslenska landsliðið hefur ekki unnið í þrettán leikjum í röð þegar sterkasti hópurinn er valinn.
,,Partýið er ekki búið, alvaran byrjar í mars með undankeppni EM. Ef við erum komnir með Aron, Emil og Birki Má. Ef við verðum með flesta heila, þár er partýið í fullum gangi.“