Leigubílasögurnar eru daglegur liður hér á 433.is. Í þessum lið er farið yfir helsta slúðrið og sögusagnirnar úr fótboltanum, aðallega úr bresku pressunni.
Félagaskiptaglugginn hefur lokað en það er samt alltaf fullt af sögum enda hætta erlend blöð aldrei að grafa upp sögurnar sem fljúga.
Hér má sjá pakka dagsins.
West Ham er að íhuga að reyna við Gary Cahill, varnarmann Chelsea í janúarglugganum. (Mirror)
Manchester United hefur haft samband við Massimiliano Allegri, stjóra Juventus en framtíð Jose Mourinho er í óvissu. (Express)
United hefur einnig lagt fram tilboð í bakvörðinn Faouzi Ghoulam sem spilar með Napoli. (Calciomercato)
Chelsea vill fá Sandro Tonali sem er 18 ára gamall leikmaður sem spilar með Brescia. (Sun)
Cesc Fabregas, leikmaður Chelsea, er þá á óskalista Atletico Madrid en hann fær lítið að spila í dag. (Mirror)
Borussia Dortmund hefur náð samkomulagi við Barcelona um kaup á framherjanum Paco Alcacer en hann er í láni hjá félaginu. (Bild)
Luka Modric, leikmaður Real Madrid, er vonsvikinn með að félagið hafi komið í veg fyrir skipti til Inter Milan í sumar. (Gazzetta dello Sport)
