fbpx
Þriðjudagur 19.mars 2019
433Sport

Sorgarsaga stráks sem fór úr utandeildinni til Bayern Munchen – Spilar fyrir áhugamannalið og vinnur hjá Amazon

Victor Pálsson
Laugardaginn 13. október 2018 19:00

Ekki missa af Helstu tíðindum dagsins í pósthólfið þitt

Lesa nánar

Það vakti mikla athygli árið 2011 þegar Bayern Munchen ákvað að semja við enska ungstirnið Dale Jennings.

Jennings var 18 ára efnilegur leikmaður Tranmere Rovers á Englandi þegar Bayern sýndi honum áhuga. Tranmere lék á þeim tíma í utandeildinni.

Jennings var talinn mikið efni en hann entist í aðeins tvö ár hjá Bayern og tókst ekki að spila leik fyrir aðalliðið.

Tveimur árum seinna samdi hann svo við lið Barnsley þar sem hann lék 47 leiki og skoraði fjögur mörk. Hann var svo farinn tveimur árum síðar.

MK Dons ákvað að taka sénsinn á Jennings en hann spilaði aðeins einn leik fyrir félagið og var leystur undan samningi árið 2016.

Hann tók sér tveggja ára frí í kjölfarið en hefur nú tekið upp skóna á ný og leikur með smáliði Runcorn Town sem spilar í níundu efstu deild enska pýramídans.

Jennings hefur nú farið yfir erfiðleika sína en hann gat ekki höndlað pressuna hjá Bayern. Hann þakkar kærustu sinni, Abby fyrir það að hann sé kominn af stað á ný.

Jennings getur ekki lifað á þeim launum sem hann fær hjá Runcorn og er einnig að vinna í vörugeymslu sem er í eigu Amazon.

,,Ég man eftir að hafa klætt mig í Bayern treyjuna í fyrsta skiptið, hljóp út á æfingasvæðið, horfði niður og fór að hlæja að sjálfum mér og hugsaði bara ‘vá’,“ sagði Jennings sem er 25 ára gamall í dag.

,,Ég hugsaði með mér hvernig þetta hefði gerst. Ég var óþroskaður á þessum tíma og hugsaði að þetta myndi endast til æviloka.“

,,Ég hélt að ég væri mun betri en ég var í raun. Það er enginn stærri en fótboltinn.“

,,Þegar þú upplifir erfiða tíma þá sérðu hver er til staðar fyrir þig. Ég upplifði ömurlega tíma og gat ekki fengið mig til að komast úr rúminu.“

,,Andlega þá gat ég ekki tekið þessari pressu. Án hennar, Abby, þá væri ég ekki sitjandi hér í dag tilbúinn að spila. Það var of mikil pressa á mér.“

,,Við ræddum saman á hverjum degi. Það komu tár en hún stóð með mér. Það kemur í ljós hverjir vinir þínir og fjölskylda eru.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

433Sport
Fyrir 8 klukkutímum

Bendir á mikilvægi Gylfa sem er að eiga sitt besta tímabil: ,,Gylfi er alltaf til staðar“

Bendir á mikilvægi Gylfa sem er að eiga sitt besta tímabil: ,,Gylfi er alltaf til staðar“
433Sport
Fyrir 8 klukkutímum

Ógleði á æfingu landsliðsins á Spáni: ,,Djöfullsins skítalykt er þetta“

Ógleði á æfingu landsliðsins á Spáni: ,,Djöfullsins skítalykt er þetta“
433Sport
Í gær

Aron Einar búinn að skrifa undir hjá Heimi í Katar

Aron Einar búinn að skrifa undir hjá Heimi í Katar
433Sport
Í gær

Harðduglegur Birkir kom til Spánar á laugardag: Er í námi sem gæti komið á óvart

Harðduglegur Birkir kom til Spánar á laugardag: Er í námi sem gæti komið á óvart