Karim Benzema, leikmaður Real Madrid, hefur svarað forseta franska knattspyrnusambandsins, Noel Le Graet.

Le Graet ræddi við blaðamenn í gær og greindi frá því að Benzema myndi líklega aldrei spila aftur fyrir franska landsliðið.

Benzema var ásakaður um að hafa kúgað fé úr liðsfélaga sínum Mathieu Valbuena árið 2015 eftir að klámmyndbandi af honum var lekið á netið.

Benzema hefur ekki spilað landsleik í þrjú ár en hann er lítið að pæla í því að snúa aftur í liðið.

,,Herra Le Graet, ég bið þig um að gleyma mér og vinsamlegast láta mig í friði,“ sagði Benzema.

,,Frakkland er heimsmeistari og það er það sem skiptir máli, ekki þetta. Takk fyrir mig.“