Lorenzo Insigne leikmaður Napoli er ekki í nokkrum vafa um hver sé mikilvægasti og besti leikmaður Liverpool.
Hann er ekki á því að það sé Mohamed Salah, heldur Roberto Firmino. Insigne segir að Firmino sé ástæða þess að aðrir sóknarmenn Liverpool blómstra.
Liverpool heimsækir Napoli í Meistaradeild Evrópu á morgun og má búast við fjörugum leik.
,,Roberto Firmino er mikilvægasti leikmaður Liverpool, hann spilar á milli lína og opnar svæði fyrir liðsfélaga sína,“ sagði Insigne.
,,Ég vona að við sem lið getum stoppað það og búið til vandræði fyrir þá.“
