Paulo Dybala leikmaður Juventus steig heldur betur upp þegar á þurfti að halda en liðið var án Cristiano Ronaldo í Meistaradeildinni í kvöld.
Ronaldo var í banni og Dybala hlóð því bara í þrennu í fjarveru hans.
Juventus vann 3-0 sigur á Young Boys á heimavelli og er með fullt hús stiga eftir tvo leiki.
Manchester City heimsótti Hoffenheim á sama tíma en Ishak Belfodil kom heimamönnum yfir áður en fyrsta mínútan var á enda.
Kun Aguero jafnaði fyrir City eftir átta mínútna leik. Allt stefndi í jafntefli þegar David Silva tryggði City sigur á 87 mínútu.
Sigurinn var mikilvægur fyrir City sem tapaði í fyrstu umferð gegn Lyon.
