Valur vann stórsigur í Pepsi-deild karla í kvöld er liðið mætti ÍBV í 20. umferð sumarsins.

Brynjar Níelsson, þingmaður Sjálfstæðisflokksins, ákvað að taka sénsinn og mæta á leik kvöldsins á Hlíðarenda.

Brynjar setur inn færslu á Facebook síðu sína í kvöld þar sem hann greinir frá því að Valur vinni aldrei leik þegar hann mæti á völlinn en hann styður liðið.

Hann ákvað þó að mæta í kvöld og sá fyrri hálfleikinn. Staðan var 1-0 fyrir ÍBV eftir fyrri hálfleik.

Brynjar segir í góðum gír að hann hafi verið rekinn heim í hálfleik og áður en hann var kominn heim var staðan orðin 4-1 fyrir Val.

Valur átti magnaðan kafla í síðari hálfleik en liðið skoraði fjögur mörk á aðeins tíu mínútum.

,,Ráðamenn á Hlíðarenda hafa rætt í alvöru að fá á mig nálgunarbann þegar leikur er í gangi,“ skrifaði Brynjar.

Færslu hans má sjá hér en Valur vann leikinn að lokum án Brynjars, 5-1.