Erik Hamren og Freyr Alexandersson byrja ekki vel í starfi með íslenska karlalandsliðið í fótbolta.
Belgía heimsótti Ísland í Þjóðadeildinni í kvöld og unnu sanngjarnan 0-3 sigur.
Íslenska liðið byrjaði vel en botninn datt úr leik liðsins eftir um 20 mínútur. Liðið tapaði 6-0 fyrir Belgíu á laugardag.
Liðið er því með mínus 9 í markatölu eftir tvo leiki, ekkert mark skorað.
Einkunnir að mati 433.is eru hér að neðan.
Byrjunarlið Íslands:
Hannes Þór Halldórsson 3
Gerði sig sekan um mistök í öðru markinu, sló boltann klaufalega út í miðjan teiginn.
Birkir Már Sævarsson 4
EKki hægt að skrifa mörkin á hann en hann líkt og fleiri átti í vandræðum með sterka sóknarmenn Belgíu.
Ragnar Sigurðsson 3
Í öðru markinu var Ragnar vitlausu megin við Lukaku þegar boltinn féll í teignum. Átti svo oft í veseni með bestu leikmenn Belga.
Sverrir Ingi Ingason 3
Braut mjög klaufalega á Romelu Lukaku í fyrsta markinu, missti hann fram fyrir sig og togaði í hann.
Hörður Björgvin Magnússon 4
Var sofandi í öðru markinu, missti boltann yfir sig.
Rúnar Már Sigurjónsson 5 – Maður leiksins
Kom inn með meira en flestir áttu von á, lék á hægri kanti sem er ekki hans staða. Sérstaklega líflegur í fyrir hálfleik.
Birkir Bjarnason 4
Virtist ekki ganga alveg heill til skógar, íslenska landsliðið þarf að fara fá einn stórleik frá Birki í bláu treyjunni. Hann skuldar hann.
Emil Hallfreðsson 5
Gat haldið í boltann á köflum og þá sérstaklega í síðari hálfleik
Ari Freyr Skúlason (´80) 4
Varðist með ágætum en þegar hann fékk boltann var oft ráðþrot.
Gylfi Þór Sigurðsson 5
Það var stundum hægt að vorkenna Gylfa í leiknum, hann fékk boltann við miðsvæðið en það var enginn til að gefa á. Var hættulegasti maður liðsins en gerði sig sekan um klafaulega mistök í þriðja marki Belgíu.
Jón Daði Böðvarsson (´70) 5
Gerði ágætlega þegar hann komst í boltann en það var ekkert alltof oft.
Varamenn:
Kolbeinn Sigþórsson (´70) 5
Bæti litlu við leik liðsins en afar ánægjulegt að sjá hann snúa aftur. Vonandi kemst hann í gang.