Erik Hamren, þjálfari íslenska karlalandsliðsins í fótbolta á erfitt verkefni fyrir höndum. Hann þarf að rífa íslenska liðið eftir 6-0 tap gegn Sviss í Þjóðadeildinni á laugardag.
Erfitt verkefni er á morgun þegar næst besta landslið í heimi, Belgía heimsækir Laugardalsvöll. Ef liðið spilar eins og á laugardag er ljóst að úrslitin gætu orðið ljóst.
Hamren hefur ákveðið að skilja úrslitin við Sviss eftir og einbeitir sér nú að Belgíu.
,,Við getum talað mikið um það sem gerðist, við töluðum um það eftir leik. Þú hefur 24 tíma til að fagna ef vel fer eða 24 tíma til að kvarta ef það fer allt úrskeiðis og þú ert ekki sáttur með frammistöðuna og úrslitin,“ sagði Hamren á fundi í dag.
,,Við töpuðum, skipulagið okkar og hvernig við unnum saman eftir að hafa farið 3-0 undir. Þetta voru slæm úrslit, við höfum skilið það eftir.“
Hamren fór yfir það hvað hann vill sjá þegar íslenska liðið mætir Belgíu á morgun.
,,Við höfum núna sett einbeitingu okkar á Belgíu, við vorum á fundi um þann leik núna. Það er mikilvægt að spila vel, svo leikmenn geti horft í spegil eftir leikinn og geti séð sig í speglinum og verið stoltir, að þeir hugsi að þeir hafi gert allt fyrir liðið. Að þegar þeir horfa í augun á hvor öðrum, að þeir geti hugsað að þeir hafi gert þetta saman. Að þeir hafi gefið 100 prósent í þetta, að við verðum sáttir með frammistöðuna. Við sjáum svo hver úrslitin verða.“