Peter Crouch, fyrrum framherji Liverpool, reyndi óvart við eiginkonu liðsfélaga síns eftir að hafa samið við félagið árið 2005.
Crouch hitti eiginkonu Xabi Alonso á hóteli í Liverpool en hann hafði ekki hugmynd um hver hún væri á þeim tíma.
Nagore Aranburu heitir konan en hún kom með Alonso til Liverpool frá Real Sociedad árið 2004.
Jamie Carragher áttaði sig strax á því hvað væri í gangi og var alls ekki ánægður með framkomu Crouch.
,,Þegar sér skrifaði undir hjá Liverpool þá gisti ég á Hope Street hótelinu. Stúlkan í móttökunni var svo falleg og ég trúði því ekki að hún væri að brosa til mín,” sagði Crouch.
,,Ég sagði strákunum á æfingasvæðinu frá þessu og sagði þeim að ég taldi mig eiga séns. Jamie Carragher kallaði þá í nokkra eldri leikmenn og bað mig um að segja þetta aftur.”
,,Ég gerði það og lýsti henni sem svarthærðri og spænskri konu. Það kom svo í ljós að hún var eiginkona Xabi Alonso. Hún var að reyna að bæta sig í ensku. Alonso tók vel í þetta og hún líka. Það sama má ekki segja um Carragher.”