Eiður Smári Guðjohnsen, markahæsti leikmaður Íslands, hafði ekki mikið gott að segja eftir 6-0 tap liðsins gegn Sviss í dag.
Eiður Smári var gestur í settinu hjá Stöð 2 Sport í dag og horfði á stærsta tap Íslands í heil 17 ár.
Eiður segir að sigur Sviss hafi verið fullkomlega verðskuldaður og liðið hafi þess vegna getað bætt við.
,,6-0 er ekkert nema verðskuldað, eins asnalega og það hljómar. 8-0 hefði verið verðskuldað,” sagði Eiður Smári.
,,Við fengum kannski tvö hálffæri, Jón Daði í fyrri og seinni hálfleik. Ég man ekki eftir leik þar sem við sköpum okkur ekki færi. Við sköpuðum ekkert í dag.”
Ísland skapaði í raun engin færi í leiknum og var varnarleikurinn hræðilegur.