Hugo Lloris, markvörður Tottenham á Englandi, er búinn að koma sér í vandræði eftir mistök í nótt.

Lloris er aðalmarkvörður Tottenham og einnig fyrirliði liðsins en hann hefur lengi leikið á Englandi.

Lloris gerði sig sekan um að keyra undir áhrifum áfengis og hefur verið ákærður af lögreglunni í London.

Möguleiki er á að Lloris verði ekki með Tottenham sem spilar við Manchester United á mánudaginn.

Óvíst er hvort að félagið muni refsa Loris harkalega en það er ekkert smá mál að keyra undir áhrifum áfengis.

Lloris á að baki yfir 250 leiki fyrir Tottenham en hann kom til liðsins árið 2012.