Manchester United á Englandi ætlar að fá varnarmann áður en félagaskiptaglugginn lokar á morgun.
L’Equipe í Frakklandi greinir nú frá því að United vilji fá Kurt Zouma frá Chelsea fyrir lok gluggans.
Zouma var fenginn til Chelsea af Jose Mourinho árið 2014 og stóð sig vel hjá félaginu áður en hann meiddist illa í leik gegn United árið 2016.
Zouma hefur síðan þá ekki fengið mörg tækifæri en hann var lánaður til Stoke á síðasta tímabili.
Mourinho hefur þó áhuga á að vinna með Frakkanum á ný og vill kaupa hann frá sínu fyrrum félagi.