Chelsea á Englandi hefur staðfest það að markvörðurinn Thibaut Courtois sé á leið til Real Madrid.
Courtois á eftir að ná samkomulagi við Real og gangast undir læknisskoðun en félagið hefur samþykkt tilboð liðsins.
Kepa, markvörður Athletic Bilbao, er á leið til Chelsea til að taka við af Courtois en hann verður dýrasti markvörður sögunnar.
Chelsea staðfestir það einnig að miðjumaðurinn Mateo Kovacic sé á leið til félagsins frá Real.
Kovacic skrifar undir eins árs langan lánssamning við Chelsea og getur félagið svo keypt hann næsta sumar.