Jurgen Klopp, stjóri Liverpool, hefur útskýrt af hverju félagið fékk Naby Keita til sín frá RB Leipzig.
Keita gekk í raðir Liverpool í sumar en hann samþykkti að ganga í raðir félagsins á síðasta ári.
Klopp er mikill aðdáandi leikmannsins og reyndi að fá hann fyrir tveimur árum en það gekk ekki upp.
,,Naby var besti leikmaður Bundesligunnar fyrir tveimur árum ásamt kannski Thiago Alcantara hjá Bayern,“ sagði Klopp.
,,Það var ótrúlegt hvernig hann spilaði og við vildum fá hann en Leipzig var ekki á því máli og ákváðu að halda honum.“
,,Hann var góður á síðustu leiktíð en ekki jafn góður. Hann er ungur og er með mikla hæfileika.
,,Hann er mjög stöðugur og góður á boltanum í litlu plássi. Hann er með frábært þol, hann er fljótur og klárar færin sín vel.“
,,Það er pakkinn sem gerði okkur svona áhugasama og við vorum á því máli að við ættum að fá hann.“