Breiðablik spilar við Stjörnuna í Pepsi-deild karla nú rétt í þessu en síðari hálfleikur er í gangi.
Blikar eru undir á heimavelli en Hilmar Árni Halldórsson kom Stjörnunni yfir úr vítaspyrnu.
Fyrir leikinn mættu góðir gestir í Kópavoginn en þar voru staddir þeir Sverrir Ingi Ingason, Jóhann Berg Guðmundsson og Alfreð Finnbogason.
Um er að ræða þrjá mikilvæga leikmenn fyrir íslenska landsliðið en þeir eru staddir hér á landi eftir vináttuleik við Noreg í gær.
Blikar heiðruðu þessa þrjá snillinga fyrir leikinn í dag en þeir eru allir fyrrum leikmenn félagsins.
Mynd af þeim félögum saman má sjá hér fyrir neðan.
Fyrir leik þá heiðraði @BreidablikFC HM farana, Blikana, Sverri Inga, Alfreð Finnboga og Jóhann Berg!
???#blikar #fotbolti pic.twitter.com/H8EVsjYtrU— Blikar.is (@blikar_is) 3 June 2018